Azərbaycanın kənd təsərrüfatı sektorunda fəaliyyət göstərən sahibkarlar üçün yeni rəqəmsal platforma istifadəyə verilib. Sahibkartv.az xəbər verir ki, Platforma vasitəsilə fermerlər məhsullarının satışını onlayn şəkildə təşkil edə, müştərilərlə birbaşa əlaqə saxlaya biləcəklər. Həmçinin, platformada torpaq analizi, məhsul qiymətlərinin monitorinqi və hava şəraiti məlumatları kimi faydalı funksiyalar təqdim olunur. Fermerlər, platforma üzərindən dövlət dəstək proqramları və güzəştli kreditlər haqqında da məlumat əldə edə bilərlər. Bu rəqəmsal həll kənd təsərrüfatı məhsullarının ixracını artırmağa və yerli bazarda qiymət sabitliyini təmin etməyə kömək edəcək. Bu layihə xüsusilə kiçik və orta fermerlərin fəaliyyətini daha rentabelli etməyi hədəfləyir.