Azərbaycan taekvondoçusu Qaşım Maqomedov paytaxt Parisdə təşkil olunan Yay Olimpiya Oyunlarında finala yüksəlib.
58 kq çəki dərəcəsində mübarizə aparan idmançımız yarımfinalda italiyalı olimpiya çempionu Vito Dellakvila ilə üz-üzə gəlib.
Maqomedov hər iki hissədə rəqibindən üstün olub - 9:4, 11:1.
Onun finaldakı rəqibi Cənubi Koreya taekvondoçusu Park Taejoon olacaq. Görüş Bakı vaxtı ilə saat 23:37-də başlayacaq.
Bu nəticədən sonra taekvondoçumuz ən azı gümüş medalı özü üçün təmin edib.
