2022-ci ilin yanvar ayında Maliyyə Nazirliyi dövlət istiqrazlarının yerləşdirilməsi yolu ilə 122 milyon 307 min manat cəlb edib.
Sahibkartv.az Bakı Fond Birjasının statistikasına istinadən xəbər verir ki, dövlət istiqrazları üzrə yerləşdirmə 2021-ci ilin yanvar ayı ilə müqayisədə 2022-ci ilin yanvar ayında 24 milyon 173 min manat və ya 16,5% azalıb. 2021-ci ilin yanvar ayında Maliyyə Nazirliyi dövlət istiqrazlarının yerləşdirilməsi yolu ilə 146 milyon 480 min manat cəlb etmişdi.
Diqqəti cəlb edən, dövlət istiqrazları üzrə repo əməliyyatların həcminin sürətlə artmasıdır. 2022-ci ilin yanvar ayında dövlət istiqrazları ilə repo əməliyyatları 2,1 dəfə artaraq 436 milyon 518 min manat təşkil edib. 2021-ci ilin yanvarında dövlət istiqrazları üzrə repo əməliyyatları 206 milyon 162 min manat təşkil etmişdi.