ABŞ Prezidenti Donald Tramp sosial şəbəkədə dünya xəritəsini dəyişdirən bir sıra qeyri-adi xəritə və memlər paylaşıb.

Trampın yayımladığı xəritələrdən birində bütün Şimali Amerika və onu əhatə edən arxipelaqlar ABŞ bayrağının rənglərinə boyanıb.

ABŞ prezidenti bununla yanaşı, Kanada Baş nazirinin hokkey çubuğu ilə döyüldüyünü əks etdirən mem, Hörmüz boğazının ələ keçirilməsi və İranın “məhv edilməsi” ilə bağlı görüntülər də paylaşıb.

Tramp Nyu-Meksiko ştatının adını sosial şəbəkədə dəyişdirərək onun üçün yeni adın göstərildiyi paylaşımı da yayıb.

İranla bağlı digər paylaşımında isə Tramp “The Wall Street Journal”ın materialını bölüşüb. Həmin materialda İranın ali rəhbərliyinin müharibənin dayandırılmasına çağırdığı bildirilir.