2021-ci ildə dövlət büdcəsinin icrasına dair göstəricilər açıqlanıb.
Bu, “Azərbaycan Respublikasının 2021-ci il dövlət büdcəsinin icrasına dair illik hesabat”ında yer alıb.

Hesabatda qeyd edilir ki, 2021-ci il üçün dövlət büdcəsinin gəlirləri 26 milyard 396,3 milyon manat, təsdiq olunmuş proqnoza qarşı 3,8 faiz (969,3 milyon manat) çoxdur. Keçən il dövlət büdcəsinin xərcləri isə 27 milyard 422,4 milyon manat, təsdiq olunmuş proqnoza qarşı 3,9 faiz (1 milyard 120.6 milyon manat) az olub. Müvafiq olaraq dövlət büdcəsinin kəsiri 1 milyard 26,1 milyon manat və ya təsdiq olunmuş proqnozla müqayisədə 67,1 faiz azdır.
Qeyd edək ki, Milli Məclisin İqtisadi siyasət, sənaye və sahibkarlıq komitəsində bu gün 2021-ci ilin dövlət büdcəsinin icrası müzakirə edilib. Bu barədə Milli Məclisin komitə sədri Tahir Mirkişili məlumat verib. O qeyd edib ki, Maliyyə Nazirliyi və Hesablama Palatasının nümayəndələri ilə işgüzar, peşəkar və elmi müzakirələr aparılıb.