Pandemiya illi olan 2020-ci ili “Kapital Bank” ASC 302 milyon 698 min manat xalis mənfəət ilə başa vurub.
Marja Bankın maliyyə göstəricilərinə istinadən xəbər verir ki, 2019-cu illə müqayisədə Kapital Bankın xalis mənfəəti 2,2 dəfədən çox artıb.
Bank 2019-cu ili 134 milyon 708 min manat xalis mənfəət ilə bağlamışdı.
GƏLİRLƏRİ ARTIB
2020-ci ildə Kapital Bankın cəmi faiz vəqeyri-faiz gəlirləri 656 milyon 623 min manat,cəmi faiz və qeyri-faiz xərcləri isə  318 milyon 334 min manat təşkil edib. Gəlirlər xərcləri üstələdiyindən Bankın 338 milyon 289 min manat əməliyyat mənfəəti yaranıb. Eyni zamanda, mümkün zərərlər üçün yaradılan məqsədli ehtiyatlardan 25 milyon 546 min manat azad olub, bunun hesabına mənfəət  363 milyon 834 min manata yüksəlib. Bank mənfəətindən 61 milyon 136 min manat mənfəət vergisi ödəyib. 
Xatırladaq ki, 2019-cu ildə Kapital Bankınfaiz və qeyri-faiz gəlirləri 571 milyon 302  min manat,cəmi faiz və qeyri-faiz xərcləri 273 milyon 156 min manat, əməliyyat mənfəəti 298 milyon 146 min manat təşkil etmişdi. Bank həmin il əməliyyat mənfəətinin 125 milyon 554 min manatını ehtiyatın yaradılmasına ayırmış və 37 milyon 884 min manat mənfəət vergisi ödəmişdi.
BANKDA 1 MİLYARD MANATDAN ÇOX BÖYÜMƏ
Ötən il Kapital Bankın cəmi aktivləri 1 milyard 84 milyon 150 min manat artaraq 31 Dekabr 2020-ci il tarixində5 milyard 227 milyon 472 min manat təşkil edib. Bank 2019-cu ilin sonunda 4 milyard 143 milyon 322 min manat cəmi aktivlərə malik idi. 
DEPOZİTLƏR KREDİTLƏRDƏN ÇOX ARTIB
Ötən il Kapital Bank tərəfindən cəmi müştərilərə verilmiş kreditlər 354 milyon 729 min manat artaraq 2 milyard 175 milyon 951 min manata, qəbul edilmiş depozitlər isə 569 milyon 623 min manat artaraq 3 milyard 805 milyon 619 min manata çatıb.
2020-ci ilin sonunda Kapital Bank 547 milyon 361 min manat məcmu kapitala malik olub.