Zeytun yağı istehsalında aparıcı ölkələrdən olan İspaniya və İtaliya son illərdə iqlim dəyişikliyinin mənfi təsirləri ilə üzləşirlər. Sahibkartv.az xəbər verir ki, Uzunmüddətli quraqlıqlar məhsuldarlığın azalmasına səbəb olub, bu da dünya bazarında qiymətlərin artmasına gətirib çıxarıb.
Bu vəziyyətdən istifadə edərək Yunanıstan, Türkiyə və Tunisin zeytun yağı ixracını genişləndirmək imkanları artır. Xüsusilə Tunis Avropa bazarında payını artırmağa başlayıb və yeni ekoloji sertifikatlar almaq üçün innovativ texnologiyalar tətbiq edir.
Ekspertlər hesab edirlər ki, zeytun yağı bazarında tarazlığı qorumaq üçün istehsalçılar yeni suvarma texnologiyalarına keçməli və daha davamlı kənd təsərrüfatı metodları tətbiq etməlidirlər.
