Son illərdə aqrar sektorda robot texnologiyalarının tətbiqi sürətlənib. Sahibkartv.az xəbər verir ki, Avtomatlaşdırılmış əkin, biçin və məhsul yığımı üçün istifadə edilən aqrar robotlar fermerlərə əməyə qənaət etməyə və məhsuldarlığı artırmağa imkan verir.

ABŞ və Yaponiyada aqrar robotların ən çox istifadə edildiyi sahələrdən biri meyvə və tərəvəz yığım sistemləridir. Müasir robotlar süni intellekt və görüntü tanıma texnologiyaları ilə təchiz olunaraq, məhsulun yetişmə səviyyəsini müəyyən edə və yalnız tam yetişmiş məhsulları yığa bilirlər.

Çində isə "JD Agriculture" və "Alibaba" kimi nəhəng şirkətlər aqrar robot texnologiyalarına böyük sərmayələr qoyaraq, smart-fermerlik sahəsində yeni dövrün başlanğıcını qoyurlar. Proqnozlara görə, 2030-cu ilə qədər aqrar robot bazarı 75 milyard dollara çata bilər.