İqlim dəyişikliyi ilə mübarizə çərçivəsində alternativ enerji mənbələrinə qlobal maraq artmağa davam edir. Sahibkartv.az xəbər verir ki, Beynəlxalq Enerji Agentliyinin (IEA) məlumatına görə, 2025-ci ildə alternativ enerji sektoru 1,5 trilyon dollar həcmində investisiya cəlb edib.
Xüsusilə günəş və külək enerjisi sahəsində innovativ texnologiyalar inkişaf etdirilir. Çin, Avropa İttifaqı və ABŞ bu sektora ən çox sərmayə qoyan regionlar olaraq qalır.
Bununla yanaşı, Afrika və Latın Amerikası ölkələri də günəş enerjisi bazarında mühüm oyunçulara çevrilir. Afrika İttifaqı, 2030-cu ilə qədər enerji ehtiyacının 50%-ni günəş və külək enerjisi ilə təmin etməyi planlaşdırır.
Ekspertlər hesab edirlər ki, alternativ enerji sektoru yaxın onillikdə dünya iqtisadiyyatında ən sürətlə böyüyən sahələrdən biri olacaq.