Müasir şəhərlərdə torpaq qiymətlərinin artması və minimalist həyat tərzinin populyarlaşması kapsul otellərin yayılmasına səbəb olub. Sahibkartv.az xəbər verir ki, Bu otellər səyahətçilərə minimal sahədə rahat yatmaq üçün müasir və texnoloji təchizatlı "kapsul" təqdim edir.
Yaponiya bu biznes modelinin ilk tətbiq edildiyi ölkələrdən biridir. Artıq Avropa və ABŞ-da da bu cür otellər populyarlaşmağa başlayıb. Məsələn, İsveçrədə bir sahibkar hava limanı yaxınlığında kapsul otel açaraq tranzit sərnişinlər üçün əlverişli xidmət təklif edir.
Kapsul otellərin əsas üstünlüklərindən biri aşağı qiymət və yüksək funksionallıqdır. Sahibkarlar bu konsepsiyanı şəhərlərin mərkəzində tətbiq etməklə turizm sektorunda rəqabət üstünlüyü qazana bilər.