Dünyada ekoloji problemlər artdıqca tikinti sektorunda da davamlı və ekoloji həllərə ehtiyac yaranır. Sahibkartv.az xəbər verir ki, "Yaşıl beton" adı verilən yeni material ekoloji cəhətdən daha dayanıqlı tikinti materialı olaraq diqqət çəkir.
Bu beton növü təkrar emal edilmiş materiallardan hazırlanır və karbon izini əhəmiyyətli dərəcədə azaldır. Məsələn, Avstraliyada fəaliyyət göstərən bir şirkət sənaye tullantılarını təkrar emal edərək yaşıl beton istehsalına başlayıb. Bu beton adi betondan həm daha möhkəm, həm də ekoloji baxımdan üstünlük təşkil edir.
Sahibkarlar üçün bu materialın tətbiqi həm ekoloji tələblərə cavab vermək, həm də maliyyə baxımından qənaətcil olmaq deməkdir. Ənənəvi beton istehsalında istifadə olunan proseslər çox enerji tələb etdiyi üçün xərcləri artırır. Yaşıl beton isə təkrar materiallardan istifadə etməklə bu xərcləri azaldır.