2025-ci ildə karbon kredit bazarı qlobal iqtisadiyyatın mühüm seqmentinə çevrilib. Sahibkartv.az xəbər verir ki, Dünya Bankının məlumatına görə, karbon kreditlərinin illik ticarət həcmi 1 trilyon dolları keçib. Şirkətlər və dövlətlər iqlim dəyişiklikləri ilə mübarizə məqsədilə daha çox karbon kreditinə sərmayə yatırır. Bu sistem, xüsusilə enerji, nəqliyyat və istehsalat sektorlarında karbon emissiyalarını azaltmaq üçün geniş tətbiq olunur. Eyni zamanda, inkişaf etməkdə olan ölkələrdə meşələrin bərpası və alternativ enerji layihələrinə maliyyə dəstəyi verir. Ekspertlər karbon kredit bazarının 2030-cu ilədək daha iki dəfə böyüyəcəyini proqnozlaşdırır.