İqlim dəyişikliyi artıq yalnız ekoloji deyil, iqtisadiyyatın bütün sahələrini əhatə edən qlobal problemə çevrilib. Bu problem sahibkarlar və iri şirkətlər üçün həm yeni çətinliklər, həm də imkanlar yaradır. Sahibkartv.az xəbər verir ki, Ənənəvi istehsalat və xidmət sektorlarından başlayaraq, texnologiya və kənd təsərrüfatı sahələrinə qədər hər kəs iqlim dəyişikliyinin təsirlərini hiss edir. Əsas məsələlərdən biri karbon emissiyalarının azaldılmasıdır. Bu istiqamətdə bir çox müəssisə yaşıllaşdırma proseslərinə başlayıb. Onlar enerji sərfiyyatını azaldan texnologiyalara investisiya qoyur, təkrar emal olunan xammaldan istifadə edir və karbon izini azaltmaq üçün yenilənə bilən enerji mənbələrinə üstünlük verir.