“Azərişıq” ASC tərəfindən Gədəbəyin ötən əsrin 60-70-ci illərindən qalma köhnə elektrik xətləri yenilərilə əvəzlənir. 

“Azərişıq” ASC-dən  bildirilib ki, rayonunun Arısu kəndində yenidənqurma işləri yekunlaşıb. Kənddə sakinlərin dayanıqlı və fasiləsiz elektrik enerjisi ilə təmin olunması üçün 0,4 kV-luq özünüdaşıyan izolyasiyalı kabel xətləri çəkilib, dayaqlar basdırılıb. 

350 abonenti olan Xar-xar kəndində isə işlər davam edir. Kənddə 0,4 kV-luq yeni kabel xətləri çəkilib və dayaqlar basdırılıb. Müasir standartlara cavab verən yeni tipli sayğac qutuları quraşdırılıb və sayğaclara giriş naqilləri çəkilib. Əlavə 250 kVA-lıq transformator quraşdırılıb. 

Bundan başqa, Arıqıran və Zəhmət kəndlərində elektrik təsərrüfatının yenilənməsi işləri hələ də davam etdirilir. Yeni elektrik xətlərinin keçdiyi ərazilərdə dayaqlar basdırılır.