İqtisadiyyat Nazirliyinin tabeliyində İqtisadi Zonaların İnkişafı Agentliyi (İZİA) ilə Rusiyanın “Himtek Engineering” ASC arasında Anlaşma Memorandumu imzalanıb. 

 İZİA-nın yaydığı məlumata istinadən xəbər verir ki, memorandumu İqtisadi Zonaların İnkişafı Agentliyinin İdarə Heyətinin sədri Seymur Adıgözəlov və “Himtek Engineering” ASC-nin baş direktoru Sergey Luqovskoy imzalayıblar. 

Sənədə əsasən “Himtek Engineering” ASC tərəfindən Sumqayıt Kimya Sənaye Parkının ərazisində kimyəvi məhsulların istehsalı layihəsinin həyata keçirilməsi nəzərdə tutulur. 100 milyon dollarlıq layihənin reallaşacağı təqdirdə müəssisədə 100 nəfərlik daimi iş yeri yaradılacaq. 

İllik istehsal gücü 15 min ton təşkil edəcək müəssisədə istehsal olunacaq məhsulların Azərbaycanla yanaşı Rusiyaya ixrac edilməsi planlaşdırılır.