Türkiyə Cümhuriyyəti Mərkəzi Bankı (TCMB) əsas faizini 5 faiz bəndi də artıraraq 50 faizə çatdırıb.

Sahibkartv.az xəbər verir ki, qurumların və bazarların proqnozu faiz dərəcəsinin 45 faiz səviyyəsində sabit saxlanılacağı idi.

Qərar mətnində xidmət inflyasiyası başda olmaqla, fevral ayında aylıq inflyasiyanın sürətləndiyi və gözləniləndən yüksək olduğu bildirilib.

TCMB xidmət inflyasiyasının, geosiyasi risklərin və ərzaq qiymətlərinin inflyasiya təzyiqlərini canlı saxladığını bildirib.

TCMB inflyasiya gözləntiləri və qiymət davranışının proqnozlara uyğunluğunu və maaş artımlarının inflyasiyaya təsirini yaxından izlədiyini vurğulayıb.

TCMB sərt pul siyasətinin aylıq inflyasiyanın əsas tendensiyasında əhəmiyyətli və daimi azalmaya nail olunana və inflyasiya proqnozlaşdırılan proqnoz diapazonuna yaxınlaşana qədər davam etdiriləcəyi bildirilib.

İqtisadçılar TCMB qərarının radikal bir qərar olduğunu bildiriblər.

Qərardan sonra Türk Lirəsi (TL) balaşaıb. Dollar/TL məzənnəsi 1,3% düşərək 31,96 türk lirəsinə düşüb. Qərardan əvvəl Dollar 32,43 lirədən baha idi.