İrlandiyalı UFC döyüşçüsü Konor Makqreqor əzəli rəqibi Həbib Nurməhəmmədova başsağlığı verib.
“Atanın, məşqçinin və idmanın sadiq tərəfdarının itkisi. Başsağlığı verirəm. Nur içində yat, Abdulmanap Nurməhəmmədov”, - deyə idmançı “Twitter” hesabında yazıb.
Qeyd edək ki, məşhur döyüşçü Həbib Nurməhəmmədovun uzun müddətdir COVID-19-dan müalicə alan atası və məşqçisi Abdulmanap Nurməhəmmədov ötən gün Moskva şəhərində yerləşən xəstəxanaların birində vəfat edib.