Ingiltərənin “Mançester Siti” komandası Premyer Liqanın XVII turunun “Çelsi” ilə Londondakı matçına çıxa bilər.
Bu barədə klub məlumat yayıb.
Məlumatda bildirilib ki, son testin nəticələrinə əsasən heç kimdə pozitiv çıxmayıb. Buna görə komanda dünən günortadan məşqləri yenidən bərpa edib. Bununla belə, yanvarın 3-də keçiriləcək oyundan öncə komanda yenidən test verəcək.
Qeyd edək ki, “Mançester Siti” və “Fulhem”də koronavirusa yoluxanlar çıxdığından, dünən başa çatmış ötən tur bu komandalar oyuna çıxmayıb. “Mançester Siti”nin “Everton”la Liverpuldakı, “Fulhem”in isə “Totenhem”lə səfər matçı təxirə salınıb.