Argentinalı hakim Fakundo Tello 2024-cü il Avropa çempionatının (AVRO-2024) F qrupunda Milli Futbol Komandasının çərşənbə axşamı, iyunun 18-də Gürcüstana qarşı keçirəcəkləri ilk oyununu idarə edəcək.
UEFA-dan verilən açıqlamaya görə, BVB Dortmund Stadionunda saat 19.00-da başlayacaq qarşılaşmada fit çalacaq Telloya eyni ölkədən Qabriel Çade və Ezekiel Brailovski kömək edəcək.
Matçın dördüncü hakimi Litva Futbol Federasiyasından Donatas Rumsas olacaq.
İspan Alejandro Hernandez matçda VAR-ın vəzifəsini yerinə yetirəcək.
- Tello Avropadan kənarda yeganə hakimdir
Milli komandanın Gürcüstanla oyununu idarə edəcək Fakundo Tello AVRO-2024-də Avropadan kənardan təyin olunmuş yeganə hakim kimi diqqət çəkir.
UEFA ilə Cənubi Amerika Futbol Konfederasiyası (CONMEBOL) arasında əməkdaşlıq çərçivəsində Tello turnirdə matçları idarə edəcək hakimlər sırasına daxil edilib.
