-Müəllimlik çox mürəkkəb və məsuliyyətli peşədir. Bu peşə insandan çoxlu səbir və anlayışlı olmağı tələb edir. Bu gün bizim əziz müəllimərimizin peşə bayramıdır. Belə bir gündə onlar, əlbəttə ki, ən səmimi və isti sözlərə layiqdirlər. Bir insan üçün həyatda ən başlıca nemət olan dəyəri-biliyi bizə verdikləri üçün müəllimlərimizə səmimi qəlbdən təşəkkür edirik. Öz çətin əməkləri ilə bizi cəmiyyətə yetişkən fərdlər kimi hazırlayır, bizə həyat yolunu başa salırlar. Sevindirici haldır ki, müəllimlik peşısində çalışanların sosial rifahı getdikcə yüksəlmək üzrədir. Eyni zamanda, bilirsiniz ki, keçən il ilk dəfə olaraq Bakı şəhəri üzrə müəllimlərin sınaq qiymətləndirilməsi keçirildi. Bu müəllimlərin peşəkarlığının yüksəldilməsi, onların məsuliyyətinin artırılması istiqamətində atılan ən mühüm addımlardan biri oldu. Bundan sonra müəllim öz üzərində daha çox işləyəcək və XXI əsrin tələblərinə uyğun bir müəllim olmağa çalışacaqdır. Çünki bugünün müəllimi daha çevik, informasiya texnologiyalarından istifadə etmək, tədris zamanı innovativ layihələri tətbiq etmək bacarığına malik olmalıdır.Əziz və hörmətli müəllimlər!
5 Oktyabr –Beynəlxalq Müəllimlər Günü münasibətilə bütün müəllimləri səmimi qəlbdən təbrik edir, sizə uzun ömür, cansağlığı, çətin və şərəfli işinizdə müvəffəqiyyətlər arzulayıram.
İmamverdi Qurbanov
70 № məktəb-liseyin Təlim-tərbiyə işləri üzrə direktor müavini
