Aqrar sektorda məhsul itkisi fermerlər üçün ciddi problemlərdən biridir. Məhsul itkisi adətən yığım və daşınma mərhələlərində baş verir və nəticədə həm maddi, həm də vaxt itkisi yaranır. Vaxtında yığılmayan məhsul keyfiyyətini itirir, bazar dəyəri azalır və satış potensialı zəifləyir.

Uyğun olmayan saxlama şəraiti məhsulun çürümə və keyfiyyət itkisinin riskini artırır. Eyni zamanda, zəif və ya qeyri-kafi qablaşdırma məhsulun daşınması zamanı zədələnməyə səbəb olur və satışa yararlı məhsulun miqdarını azaldır. Bazarın düzgün seçilməməsi də dolayı yolla itkilərə gətirib çıxarır, çünki məhsul tələb olmayan və ya uyğun olmayan seqmentə yönəldikdə satış gecikir və məhsul dəyər itirir.

Ekspertlər bildirirlər ki, məhsul itkisinin azaldılması birbaşa gəlirin artırılmasına xidmət edir. Fermerlərin məhsulun yığımı, saxlanması, qablaşdırması və bazara çıxarılması prosesini planlı şəkildə idarə etməsi, resursların səmərəli istifadəsini təmin edir və itkiləri minimuma endirir. Nəticədə, planlı idarəetmə yalnız məhsul itkisini azaldır, həm də uzunmüddətli gəlir və biznes dayanıqlığını təmin edən əsas amil hesab olunur.