Əgər İran Hörmüz boğazından neft axınını dayandırmaq üçün bir şey etsə, ABŞ ona indiyə qədər etdiyindən iyirmi dəfə daha sərt zərbə endirəcək.

Bunu ABŞ prezidenti Donald Tramp sosial şəbəkəsində yazıb.

"Bundan əlavə biz digər hədəfləri də  məhv edəcəyik və bu da İranın bir millət kimi özünü yenidən qurmasını faktiki olaraq qeyri-mümkün edəcək. Onların üzərinə ölüm, od və qəzəb göndəriləcək. Amma ümid edirəm və dua edirəm ki, bu baş verməsin. Bu, Amerika Birləşmiş Ştatlarının Çinə və Hörmüz boğazından çox asılı olan bütün ölkələrə bir hədiyyəsidir. Ümid edirəm ki, bu jest təqdir olunacaq", -Tramp yazıb.