Türkiyə ilə Rusiya bir-biri ilə qarşılıqlı əlaqələr çərçivəsində strateji baxış ortaya qoya bilir.
QanunXəbər.com xəbər verir ki, bu açıqlama ilə Rusiya Xarici İşlər naziri Sergey Lavrov çıxış edib.
"Moskva və Ankara fərqli bölgələrdəki böhranların həlli üzərində aktiv çalışır. Rus və türk diplomatların, əsgərlərin, kəşfiyyat zabitlərinin maraqlarının qarşılıqlı qorunmasına əsaslanan hərtərəfli əməkdaşlığın görünən nəticəsi Suriyadakı əməkdaşlıqdır. İranla birlikdə daha davamlı bir həll mexanizmi olan "Astana" formatını qurmağı bacardıq. İdlib və Fəratın şərqi kimi problemli bölgələrdə Rusiya-Türkiyə müştərək patrul dəstələri yaradıldı, terror təşkilatlarını məhv etmək üçün işlər aparılır və suriyalı qaçqınların ölkələrinə qayıtması üçün şərait yaradılır", - Lavrov qeyd edib.