Son xəbərlər
Day, Month 00, Year
00: 00: 00 AM

Gecikən qatarlara görə kompensasiya veriləcək - Rəsmi açıqlama

Baxış: 333
Gecikən qatarlara görə kompensasiya veriləcək - Rəsmi açıqlama


Şəhərlərarası (rayonlararası) istiqamətlərdə hərəkətdə olan qatar ADY-nin məsuliyyətində olduğu müəyyən edilmiş hər hansı texniki və ya əməliyyat səbəblərindən gecikmə ilə çatdıqda sərnişinlərə biletin dəyərinin müəyyən hissəsi geri qaytarılacaq.

Bu barədə Ölkə.az-ın sorğusuna cavab olaraq "Azərbaycan Dəmir Yolları" QSC-dən bildirilib.

Qeyd olunub ki, biletin dəyərinin qaytarılan hissəsi aşağıdakı qaydada həyata keçiriləcək:

- Gecikmə 1 saatdan 2 saatadək olduqda biletin dəyərinin 25%-i;
- Gecikmə 2 saatdan 4 saatadək olduqda biletin dəyərinin 50%-i;
- Gecikmə 4 saatdan çox olduqda biletin dəyərinin 100%-i.

"Qatarın gecikməsinə hər hansı təbiət hadisəsi, o cümlədən güclü külək, sıx duman, leysan, subasma və digər təbiət hadisələri, qatarın qarşısına qəfil insan və ya digər maneələrin çıxması, kənar müdaxilələr, habelə ADY-nin məsuliyyətinə aid olmayan digər fövqəladə və qarşısıalınmaz hallar səbəb olduqda biletin dəyərinin geri qaytarılması nəzərdə tutulmur", - deyə açıqlamada vurğulanıb.

Qurumdan bildirilib ki, kompensasiya Abşeron dairəvi dəmiryol xətti ilə hərəkət edən qatarlara şamil edilmir.

Təsisçi və redaktor: Rüstəm Zülfüqarlı
Tel: +994 50 537 55 05
Ünvan: Bakı şəhəri, Yasamal rayonu, Mətbuat prospekti, 529-cu məhəllə, Azərbaycan Nəşriyyatı

“Sahibkartv.az” saytı Azərbaycan Respublikası Media Reyestrində rəsmi qeydiyyata alınmışdır.
(Qeydiyyat Şəhadətnaməsi № 3568E1527C938D).
VÖEN: 6100325452
© Müəllif hüquqları qorunur. Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.