Gürcüstanın Marneuli-Qardabani seçki dairəsində parlament seçkiləri ilə bağlı səsvermənin nəticələri açıqlanıb.
QanunXəbər.com Report-a istinadən xəbər verir ki, dairə üzrə 124 seçki məntəqəsinin hamısında səslərin sayılması artıq başa çatdırılıb.
Nəticələrə əsasən, Gürcü Arzusu Partiyasının majoritar deputatlığa namizədi Zaur Darğallı 51,16% səs toplayıb.
“Vahid Milli Hərəkat – Birləşmiş Müxalifət” seçki blokunun namizədi Azər Süleymanov 38,69%, Avropalı Gürcüstan Partiyasının namizədi Əhməd İmamquliyev isə 3,65% səs qazanıb.
Bolnisi-Dmanisi-Tetritskaro-Tsalka seçki dairəsi üzrə də nəticələr elan olunub. Bu dairədə də “Gürcü Arzusu”ndan Qogi Meşveliani 55,41% səslə qalib gəlir.