Yaxın Şərqdəki gərginliyin bazarları sarsıtması ilə bazar ertəsi təhlükəsiz liman alətləri kimi ABŞ dolları və yen bahalaşıblar. Cümə günü ABŞ-dan açıqlanan əmək statistikası dolların üzərində təzyiqləri artırdı.
Lakin cari həftəyə də enişlə başlayan dollar indeksi həftənin ilk ticarət gününü 106.13 bənd səviyyəsində tamamladı. Baxmayaraq ki, ABŞ-da qeyri-kənd təsərrüfatı sektorunda yeni iş yerlərinin artımı sentyabr ayında sürətləndi və işsizlik səviyyəsi dəyişmədi, lakin, FED-in 31 oktyabr - 01 noyabr tarixlərində keçirilərəcək toplantısında faiz dərəcələrini artırmayacağına dair ehtimalların güclənməsi dolların ucuzlaşmasına səbəb oldu.

Bugün investorlar Bakı vaxtı ilə saat 16:00-da AMB sədri Kristin Laqardın baş tutacaq çıxışını diqqətlə izləyəcəklər. Həmçinin Türkiyədən açıqlanacaq İşsizlik Səviyyəsi göstəricisi treyderlərin maraq göstərdiyi hadisələrdən biridir.
Məlumat İnvestAZ İnvestisiya Şirkətinin analitikləri tərəfindən hazırlanıb.