Azərbaycan Respublikası Minatəmizləmə Agentliyinin (ANAMA) İdarə Heyəti sədrinin müavini Samir Poladov Serbiyanın 

Azərbaycandakı hərbi attaşesi polkovnik Mile Çelikoviçlə görüş keçirib.

ANAMA-nın mətbuat xidmətindən bildirilib ki, görüşdə Azərbaycanın üzləşdiyi mina problemi, ərazilərin mina və partlamamış hərbi sursatlarla çirklənmə səviyyəsi, Agentlik tərəfindən həyata keçirilən humanitar minatəmizləmə fəaliyyəti və ölkəmizdə mina fəaliyyətinin tədrisi üçün yaradılacaq “Mina Təhlükəsi ilə Mübarizə üzrə Beynəlxalq Qabaqcıl Təcrübə və Təlim Mərkəzi” haqqında qonağa məlumat verilib.

Görüş zamanı ölkəmizdə icra edilən humanitar minatəmizləmə fəaliyyətinə Serbiya tərəfindən mümkün dəstəyin göstərilməsi üzrə fikir mübadiləsi aparılıb.