Estoniya Prezidenti Alar Karis Azərbaycan Milli Məclisinin sədri Sahibə Qafarova ilə görüş keçirib.
Sahibkartv.Az-ın məlumatına əsasən, bununla bağlı Alar Karis özünün “Facebook” səhifəsində məlumat verib.
Prezident deyib ki, Sahibə Qafarova ilə iki ölkə arasındakı əməkdaşlığı və təhlükəsizlik mühitini müzakirə edib.
“Biz həmçinin Avropa İttifaqı ilə Azərbaycan arasında enerji təhlükəsizliyinin təmin edilməsini müzakirə etdik”, - deyə Alar Karis qeyd edib.
Alar Karisin sözlərinə görə, Estoniya ilə Azərbaycanı təhsil və informasiya texnologiyaları sahəsində sıx əməkdaşlıq bağlayır və bu əməkdaşlıq gənclərə yönəlib.
“Mən şadam ki, Estoniya universitetlərində getdikcə daha çox azərbaycanlı təhsil alır”, - deyə Alar Karis bildirib.