SOCAR-ın Bakı Ali Neft Məktəbinin (BANM) rektoru Elmar Qasımov I kursda təhsil alan (Foundation) tələbələr və onların müəllimləri ilə görüşüb. Rektor tələbələri IELTS imtahanlarında yüksək nəticələrinə görə təbrik edib, müəllimlərə isə təşəkkürünü bildirib.

Bu barədə BANM-dən məlumat verilib. Qeyd olunub ki, bu il 287 tələbədən 212-si yüksək nəticə əldə edib. Belə ki, biri 8.5 olmaqla, 18 tələbə 8.0 bal toplayıb.