Azərbaycan Respublikasının Qida Təhlükəsizliyi Agentliyi (AQTA) Rusiyanın Azərbaycandan pomidor və alma ixracına qoyulmuş qadağa ilə bağlı araşdırmalar aparır.
Bunu AQTA-nın mətbuat katibi  Aysel Fərziyeva bildirilib.
O bildirib ki, araşdırmanın nəticəsi ilə bağlı ətraflı məlumat veriləcək.
Xatırladaq ki, Rusiya Azərbaycandan dekabrın 10-dan etibarən pomidor və alma idxalına qadağa qoyacaq. Bu barədə qərarı Rusiyanın Baytarlıq və Fitosanitar Nəzarəti üzrə Federal Xidməti qəbul edib.
Xidmətin yaydığı məlumatda bildirir ki: "İdxal olunan məhsullarda dəfələrlə zərərli orqanizmlər aşkar etdiklərini və bu barədə Azərbaycan Qida Təhlükəsizliyi Agentliyinə məlumat verdiklərini qeyd ediblər. Xüsusilə də 22 oktyabrdan bəri Rusiyanın Baytarlıq və Fitosanitar Nəzarəti üzrə Federal Xidməti Avrasiya İqtisadi Birliyi üçün zərərli karantin obyektləri kimi qeydə alınan obyektlər aşkarlayıb. Bu baxımdan, fitosanitar rifahı qorumaq, bu zərərvericilərin Rusiya Federasiyası ərazisinə gətirilməsinin və yayılmasının qarşısını almaq üçün Rusiya Baytarlıq və Fitosanitar Nəzarəti 10 dekabr 2020-ci ildən etibarən Azərbaycan istehsalı olan pomidor və almaların Rusiyaya idxalını qadağan etmək məcburiyyətində qalıb”.