OPEC 2023-cü ildə qlobal neft tələbatının artımı ilə bağlı proqnozunu yenidən saxlayıb və 2,4 milyon barel artıraraq sutkada 102,1 milyon barelə çatacağını proqnozlaşdırır.
"Sahibkartv.az" xəbər verir ki, bu barədə OPEC-in aylıq hesabatında qeyd edilib.
İqtisadi Əməkdaşlıq və İnkişaf Təşkilatı (OECD) regionunda neftə olan tələbatın 2023-cü ildə gündəlik 89 min barel artaraq orta hesabla 45,8 milyon barel olacağı gözlənilir. Həmçinin, OECD-ə daxil olmayan ölkələrdə isə 2023-cü ildə ümumi neft tələbatı təxminən 2,3 milyon barel artaraq orta hesabla 56,3 milyon barelə çatacağı gözlənilir.
OPEC Çin iqtisadiyyatında artımın davam etməsi fonunda 2024-cü ildə dayanıqlı qlobal iqtisadi artımın neft istehlakının artmasına səbəb olacağını gözləyir. Qlobal neft tələbinin illik müqayisədə gündəlik 2,2 milyon barel artaraq orta hesabla gündəlik 104,3 milyon barel neft olacağını proqnozlaşdırır.
Proqnoza əsasən, OECD ölkələrində neftə tələbatın gündəlik 0,26 milyon barel artacağı gözlənilir. OECD-ə daxil olmayan ölkələrdə tələbatın gündəlik təxminən 2 milyon barel artacağı proqnozlaşdırılır. Ən böyük artım isə Çin və Yaxın Şərq, eləcə də Hindistan və digər Asiya ölkələrində müşahidə olunacaq.