Sağ cinah müdafiəçisi axtarışlarını davam etdirən "Qalatasaray" Quela Doue üçün hərəkətə keçib.
İlk seçimi "Mançester Yunayted"dən Wan Bissaka olan sarı-qırmızılılar, ingilis futbolçunun Premyer Liqanı tərk etmək istəməməsindən sonra alternativlərə üz tutub.
PSJ-dən ayrılacağı dəqiqləşən Nordi Mukiele üçün kirayəlik düsturla fransız nəhənginin qapısını döyməyə hazırlaşan "Qalatasaray" "Renn"in gənc sağ cinah müdafiəçisi Quela Doue üçün də qollarını çırmalayıb.
Daha əvvəl "Renn"dən Saça Boeni transfer edən sarı-qırmızılılar Quela Doue üçün "Renn"ə 5 milyon avro təklif edib.
Rennes isə 21 yaşlı sağ cinah müdafiəçisi üçün 15 milyon avro istəyir və Doueni bu məbləğdən aşağı qiymətə buraxmaq fikrində deyil.
Keçən mövsüm A Komandasına yüksələn Doue bu mövsüm əsl sıçrayış etdi. Bu mövsüm Liqa 1-də 24 matça çıxan gənc futbolçu 4 qola cavabdeh olub.
