Ermənistanın Baş nazir Nikol Paşinyan bəyan edib ki, Ermənistan və Azərbaycan tezliklə sülh sazişi bağlamalıdır.
Sahibkartv.az Tass-a istinadən xəbər verir ki, Paşinyan "Ermənistan Azərbaycanın ərazi bütövlüyünü tanıyır" deyib.
Baş nazir həmçinin bəyan edib ki, İrəvan və Bakı aprelin 30-dək sərhədin delimitasiyası komissiyasının üzvlərini təyin etməlidir.
Dünən müşavirədə Azərbaycan Prezidenti İlham Əliyev deyib:
"Bildiyiniz kimi, Azərbaycan iki ölkə arasındakı əlaqələri normallaşdırmaq üçün 5 prinsipdən ibarət təklif vermişdir və Ermənistan tərəfi də bu təklifə müsbət yanaşmışdır və Brüssel görüşünə qədər artıq bu açıqlamalar verilmişdir. Brüssel görüşündə isə mən bunu özüm üçün, sadəcə olaraq, daha da yəni, aydınlaşdırmaq istəyirdim və aydınlaşdırdım ki, Ermənistan 5 prinsipi qəbul edir. Beləliklə, Azərbaycanın ərazi bütövlüyü qəbul edilir və Ermənistan Azərbaycana ərazi iddiasından əl çəkir".