Avropada Ukrayna müharibəsi fonunda iqtisadi risklərin daha da artacağına dair narahatlıqlar avronun dollara qarşı ucuzlaşmasına səbəb olur və EUR/USD məzənnəsində ucuzlaşmanın davam edəcəyi proqnozlaşdırılır. GBP/USD məzənnəsinin də müqavimətlə rastlaşmasına baxmayaraq, investorlar gələn həftə İngiltərədə işsizlik göstəricisini gözləyirlər. Bu səbəbdən burada üfüqi dalğalanma müşahidə edilir. 
Foreks bazarlarında dolların bahalaşması, əlvan metallar bazarlarında qızılın da ucuzlaşmasına səbəb olur və 1924$-ın qırılması əlavə səviyyələr üçün güclü siqnal olacaqdır. Enerji birjalarında neftin qiyməti isə son proseslər ilə əlaqədar artan qeyri-müəyyənlik fonunda korreksiya etməkdədir. 
Kriptovalyuta birjalarında bitkoin 48 min dollar müqavimətinin altında ticarət edilməkdədir və sözügedən səviyyənin altında qaldıqca, 42 min dollara kimi ucuzlaşacağı proqnozlaşdırılır. 
Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb.