Türkiyədə iaşə xidmətləri üçün əlavə dəyər vergisi (ƏDV) aşağı salınıb.
Sahibkartv.az xəbər verir ki, Türkiyə Prezidenti Rəcəb Tayyib Ərdoğan Tvitter səhifəsində yazıb:
"Biz bütün iaşə xidmətləri üçün ƏDV dərəcəsini 8% müəyyən etdik.
Beləliklə, qida və içki xidmətlərində birinci dərəcəli müəssisələr, üçulduzlu otellər və daha yuxarı yerlərdə hələ də tətbiq olunan 18% ƏDV dərəcəsini 8%-ə endirmişik".
Həmçinin Ərdoğan "yaşayış yerləri və torpaqlar üzrə ƏDV-nin sadələşdirilməsi də işlərimizdən biridir. Müvafiq olaraq, alınan evin harada olmasından asılı olmayaraq, kvadrat metinə əsasən dəyişən ƏDV tətbiq ediləcək", bildirib.
Prezident Ərdoğan Nazirlər Kabinetinin iclasından sonra verdiyi açıqlamada isə, "Yuyucu vasitə, sabun, tualet kağızı, salfet və uşaq bezləri kimi məhsulların ƏDV-sini 18%dən 8%-ə endirməyə qərar verdik. Bütün iaşə xidmətləri üçün ƏDV dərəcəsini 8 faiz səviyyəsində müəyyən etdik”, -deyib.