Hospitalın direktoru Dr. Sevda Əlizadə açılış nitqi ilə çıxış edərək müəssisənin strateji inkişaf xətti, qabaqcıl tibbi texnologiyalara əsaslanan xidmət modeli və pasiyent məmnuniyyətinin prioritetliyini diqqətə çatdırıb. 

Sahibkartv.az bildirir ki, görüş çərçivəsində hospitalın yüksək ixtisaslı tibbi heyəti, beynəlxalq standartlara uyğun infrastrukturu və kompleks xidmət imkanları təqdim olunub. 

Xüsusilə korporativ əməkdaşlıqlar, fərdi və institusional tərəfdaşlıqlar üçün yaradılan imkanlar ön plana çəkilib.

İştirakçılar hospitalın fəaliyyət modeli ilə yaxından tanış olaraq, səhiyyə və biznes sektorları arasında sinerjinin gücləndirilməsi istiqamətində fikir mübadiləsi aparıblar. Tədbir çərçivəsində hospitalın gələcək vizyonu və regionda tibbi xidmət keyfiyyətinin yüksəldilməsinə yönəlmiş təşəbbüsləri xüsusi maraq doğurub.

Görüş hospitalın uzunmüddətli və dayanıqlı əməkdaşlıqlar qurmaq niyyətini bir daha nümayiş etdirərək, yeni tərəfdaşlıqlar üçün möhkəm zəmin yaradıb.