Ordumuz əks-hücum əməliyyatı başlayandan bu günədək işğaldan azad edilmiş torpaqlardan bir addım belə geri çəkilməyib.
QanunXəbər.com Trend-ə istinadən bildirir ki, bunu Müdafiə Nazirliyinin (MN) mətbuat katibi Anar Eyvazov bu gün keçirilən brifinqdə deyib.
Onun sözlərinə görə, ordumuz düşmənə qarşı adekvat tədbirlər görür: "Azərbaycan Ordusunun atəş zərbələri endirdiyi bütün hədəflər beynəlxalq hüquqa uyğun olaraq legitim xarakter daşıyır. Ordumuz əks-hücum əməliyyatı başlayandan bu günədək işğaldan azad edilmiş torpaqlardan bir addım belə geri çəkilməyib. Əksinə, əməliyyat planına uyğun bütün tədbirlər fasiləsiz davam etdirilir. İstiqamət Qarabağdır. Qələbə bizimlədir".