Utilizasiyaya verilən avtomobilin ödənilməmiş cəriməsinin olması daimi uçotdan çıxarılmasına maneə olmayacaq.
“Sahibkartv.az”ın xəbərinə görə, bu, “Yol hərəkəti haqqında” qanuna dəyişiklik layihəsində əksini tapıb.
Dəyişikliyə əsasən, nəqliyyat vasitələri utilizasiyaya “Tullantılar haqqında” qanunun 14-7-ci maddəsinin birinci hissəsinin üçüncü abzasına əməl olunmaqla, həmin dövlət qeydiyyat orqanının qərarı ilə dövlət qeydiyyatı üzrə daimi uçotdan çıxarılır. Bu zaman bu qanunun 27-ci maddəsinin IX-I hissəsinin ikinci və üçüncü bəndlərində nəzərdə tutulan ödənilməmiş cərimələrin olması nəqliyyat vasitəsinin dövlət qeydiyyatı üzrə daimi uçotdan çıxarılmasına maneə olmayacaq.