Beynəlxalq hava səyahətləri, Çinin qapalı bazarına baxmayaraq, 2023-cü ilə qədər pandemiyadan əvvəlki həcmlərə qayıdacaq və ya hətta onu keçəcək. 
Sahibkartv.az xəbər verir ki, bu proqnozu Beynəlxalq Hava Nəqliyyatı Assosiasiyasının (IATA) baş direktoru Uilyam Uolş çərşənbə axşamı Sinqapurda açılacaq aviasiya sammiti ərəfəsində verib.
"Çin bazarı əsas məsələ deyil. Şirkətlərin tez bir zamanda bərpa oluna biləcəyi bir çox başqa, daha əlçatan bazarlar var" , - o deyib.
Uolşun sözlərinə görə, bu il “beynəlxalq hava daşımalarının həcmi ötən illə müqayisədə artıq iki dəfə artıb”.
“Biz inanırıq ki, sərnişin axını gələn il 2019-cu ilin səviyyəsinə qayıdacaq, baxmayaraq ki, əvvəllər bunun yalnız 2024-cü ildə baş verə biləcəyi proqnozlaşdırılırdı. O, həmçinin "rəqəmlərin pandemiyadan əvvəlki həcmləri də keçə biləcəyini" istisna etməyib.