İnvestorların Çində davam edən epidemiyaya qarşı görülən tədbirlərin yumşaldılacağına dair gözləntiləri səbəbindən neft qiymətləri enişini dayandırıb.Çinin maliyyə mərkəzi Şanxayda həyata keçirilən Covid tədbirləri bir müddətdir tələb kanalı ilə neft bazarına təzyiq göstərsə də, investorların bu tədbirlərin bəzilərinin ləğv ediləcəyinə dair gözləntiləri qiymətlərin yüksəlməsinə səbəb olub.
Sahibkartv.az xəbər verir ki, ABŞ xam neftinin qiyməti 95 dolları, Brent neftinin qiyməti isə yenidən 100 dollar səviyyəsini keçib.
Şanxayda epidemiyanın təsiri davam etsə də, heç bir əlamət göstərməyən yoluxmaların sayında azalma müşahidə olunub. Aprelin 11-nə olan məlumata görə, şəhərdə 22 min 348 asemptomatik fakt aşkar edilib. Aprelin 10-da isə bu rəqəm 25 173 nəfər olub.