İyunun 16-da  Cenevrədə Rusiya Prezidenti Vladimir Putinlə  amerikalı həmkarı Co Bayden arasında baş tutmuş danışıqları "müsbət” qiymətləndirmək olar. 

Sahibkartv.az-ın TASS-a istinadla məlumatına görə, bunu Kremlin rəsmi nümayəndəsi Dmitri Peskov bildirib.
 

Rusiya liderinin mətbuat katibinin sözlərinə görə, sammit zamanı aydın olub ki, ABŞ-la hansı sahələrdə qarşılıqlı əlaqə qurmaq olar, hansı sahələrdə isə olmaz.
Qeyd edək ki, ABŞ-ın keçmiş prezidenti Donald Tramp Co Baydenlə Vladimir Putin arasındakı görüşdən sonra "bu günün Rusiya üçün yaxşı bir gün olduğunu" söyləmişdi.
Xatırladaq ki, Rusiya və Amerika prezidentlərinin görüşü iyunun 16-da Cenevrədə "Villa La Grange” də keçirilib. Liderlər üç saat yarım  söhbət ediblər.