ABŞ prezidenti Donald Tramp Rusiya prezidenti Vladimir Putin və Çin rəhbəri Si Cinpin ilə üçtərəfli sammit keçirmək istəyir.
The Wall Street Journal (WSJ) qəzetinə istinadən xəbər verir ki, sammit dünyanın təsir dairələrinə yeni bölgüsünə gətirib çıxara bilər.
Qəzetin baş məqaləsində mümkün görüş 1945-ci il Yalta Konfransı ilə müqayisə edilir.
Redaksiya məqaləsinə görə, Tramp uzun müddətdir Rusiya və Çinlə genişmiqyaslı razılaşmalar əldə etməkdə maraqlıdır və onun Ukrayna və Avropaya qarşı hazırkı siyasəti daha geniş strategiyanın bir hissəsi ola bilər.
WSJ hesab edir ki, ABŞ-ın Rusiya nefti və dizel yanacağına qarşı sanksiyalarının son zamanlar yumşaldılması Vaşinqtonun Moskva ilə daha geniş bir razılaşma əldə etmək istəyini göstərə bilər.
Qəzet hesab edir ki, bu cür razılaşmalar "NATO-da parçalanmaya, Amerikanın Sakit okeandakı mövqeyini zəiflətməyə və Çinin Tayvana təzyiqini artırmağa" səbəb ola bilər.
