Dünyada əhalinin sayı ilə nisbətdə vətəndaşlarına ən çox peyvənd vurulan ölkə sayılan İsraildə pandemiya ilə bağlı məhdudiyyətlər mərhələli şəkildə yumşaldılır.
Bu çərçivədə restoran və kafelər COVID-19 peyvəndinin hər iki dozasını vurduranlara da verilən “yaşıl pasport” adlı sənədə sahib şəxslərə xidmət göstərməyə başlayıb. “Yaşıl pasport” sahibləri 300 nəfərdən çox olmamaqla və ya məkanın potensialının 50 faizini keçməyəcək şəkildə qapalı məkanlarda təşkil olunacaq tədbirlərdə iştirak edə bilər. Bundan əlavə mədəni və idman tədbirlərində də “yaşıl pasport” sahibi az sayda izləyici iştirak edə biləcək.