İranın hazırda tətbiq etdiyi hərbi strategiyanın əsasının illər əvvəl hazırlandığı iddia olunur.

The New York Times nəşrinin məlumatına görə, bu plan 2017-ci ildə İranın nüfuzlu hərbi lideri Qasım Süleymani tərəfindən İranın ali dini rəhbəri Əli Xamenei üçün hazırlanıb.

Məlumata görə, “mozaika hərbi taktikası” adlanan model klassik mərkəzləşdirilmiş ordu modelindən fərqli olaraq, mərkəzləşdirilməmiş mübarizə strategiyasına əsaslanır. Bu taktika müxtəlif bölgələrdə fəaliyyət göstərən kiçik, müstəqil hərbi qrupların paralel şəkildə əməliyyat aparmasını nəzərdə tutur.

Bildirilir ki, plan ilkin olaraq “B planı” kimi hazırlanmışdı. Yəni İranın əsas hərbi strukturları zərbə alacağı təqdirdə ölkənin müdafiəsini təmin etmək üçün alternativ strategiya kimi nəzərdə tutulurdu.

Nəşrin yazdığına görə, Qasım Süleymani ölümündən əvvəl bu strategiyanı İranın elit hərbi qurumu olan SEPAH-a ötürüb.