Ukraynalı iş adamı İqor Kolomoyski məhkəmə zalında çıxışı zamanı Prezident Volodimir Zelenskinin seçkilərdə iştirak etməyəcəyini iddia edib.

Kolomoyskinin sözlərinə görə, bunun əsas əlaməti Prezident Administrasiyasına (Ofisə) yeni rəhbərin təyin olunmamasıdır. O hesab edir ki, bu vəziyyət Zelenskinin Andrey Yermakdan sonra postunu tərk etmək qərarı verdiyini göstərir. 

Biznesmen Zelenskinin belə bir qərar vermə ehtimalını 90 faiz olaraq qiymətləndirib.

Qeyd edək ki, bu gün Kolomoyskinin barəsində seçilmiş həbs-qətimkan tədbiri ilə bağlı verdiyi apellyasiya şikayətinə baxılıb. Məhkəmə həbs müddətinin uzadılması qərarını qüvvədə saxlayıb.