İsrailin müdafiə naziri İsrael Katz Qəzza şəhərinin ələ keçirilməsi planını təsdiqləyib.
Bu barədə məlumatı İsrailin “Kan” dövlət teleradio şirkəti yayıb.
“Əməliyyatdan sonra Qəzza şəhəri öz simasını dəyişəcək və əvvəlki kimi görünməyəcək”, - deyə nazir qeyd edib.
Məlumata əsasən, yaxın vaxtlarda İsrail Müdafiə ordusunun ehtiyatda olan hərbçilərinin əlavə olaraq səfərbərliyə cəlb edilməsi elan olunacaq.
“The Times of Israel” qəzeti isə yaxın günlərdə 60 000 ehtiyatda olan hərbçiyə çağırış vərəqəsinin göndərilməsinin gözlənildiyini yazıb.
