Sahibkartv.az xəbər verir ki, Finlandiya hökuməti 2025-ci ilin aprel ayında qlobal ərzaq təhlükəsizliyi çağırışlarına cavab olaraq Yeni Qida Təhlükəsizliyi İnstitutunun əsasını qoyub. İnstitutun əsas vəzifəsi genetik dəyişdirilmiş orqanizmlərin (GDO) istifadəsinə, süni ətin istehsalı və satışına nəzarəti gücləndirmək, həmçinin ölkədə ərzaq təhlükəsizliyi standartlarını beynəlxalq səviyyəyə yüksəltməkdir.

Helsinkidə fəaliyyət göstərəcək institutda genetik modifikasiya olunmuş kənd təsərrüfatı məhsulları, laboratoriya şəraitində istehsal edilən ət və süd məhsulları üzərində elmi tədqiqatlar aparılacaq, onların insan sağlamlığına təsiri dəyərləndiriləcək. Eyni zamanda, süni intellekt texnologiyaları tətbiq edilərək, ölkə üzrə ərzaq zəncirində risk faktorları real vaxtda izləniləcək.

Finlandiya Kənd Təsərrüfatı və Ərzaq Nazirliyi bildirib ki, institut Avropada qida təhlükəsizliyi sahəsində ən müasir tədqiqat mərkəzlərindən birinə çevriləcək. Burada həmçinin Avropa Birliyi ölkələri üçün regional risk analizi və monitorinq xidməti də yaradılacaq.

Layihə qlobal ərzaq bazarında genetik dəyişdirilmiş məhsulların sürətlə yayılmasına cavab olaraq ərzaq təhlükəsizliyinin təmin edilməsində mühüm addım hesab olunur.