Sahibkartv.az xəbər verir ki, Avstraliya hökuməti 2025-ci ildən etibarən bağçılıq və kiçik təsərrüfatların inkişafını dəstəkləmək məqsədilə hər il keçiriləcək “GreenLife” festivalına start verib. Festivalda ən son bağçılıq texnologiyaları və yeni nəsil bitki yetişdirmə metodları sərgilənəcək.

Bu tədbir bağçılıq və kənd təsərrüfatı sahəsində innovasiyaları, ekoloji təmiz texnologiyaları və dayanıqlı kənd təsərrüfatı metodlarını nümayiş etdirəcək. Festivalda, ağıllı suvarma sistemləri, torpaq analiz texnologiyaları, vertikal bağçılıq və dronlarla bitki izləmə kimi yeniliklər diqqət mərkəzində olacaq.

Hökumət rəsmilərinin verdiyi məlumata görə, “GreenLife” festivalı həm peşəkar fermerlər, həm də bağçılıqla maraqlanan fərdi şəxslər üçün faydalı olacaq. Festivalda iştirak edənlər yeni texnologiyalarla tanış olmaqla yanaşı, təlimlərə qatılaraq bağçılıq sahəsindəki biliklərini artırmaq imkanı da əldə edəcəklər.

Festivalın məqsədi bağçılıq və kiçik təsərrüfatların inkişafına, sahibkarların və fermerlərin təcrübə mübadiləsi etməsinə və bu sahədə yeni texnologiyaların tətbiqinə dəstək verməkdir. “GreenLife” festivalı Avstraliyanın kənd təsərrüfatı sektorunun gələcək inkişafına böyük töhfə verəcəyi gözlənilir.