Dünya yeni bir qlobal fəlakətin astanasından dönübmüş.

Sahibkartv.az xəbər verir ki, ABŞ dövlət katibi Antoni Blinkenin Financial Times qəzetinə verdiyi açıqlama dünya ictimaiyyətini silkələyib. Blinkenin sözlərinə görə, Rusiya Ukraynada nüvə silahı tətbiq etməyə ciddi şəkildə hazırlaşırdı.
«Nüvə silahı ilə bağlı ehtimalın 5%-dən 15%-ə yüksəlməsi belə, hər şeyin nə qədər təhlükəli olduğunu göstərir. Bu, heç vaxt gözardı edilə bilməz. Bizdə əsaslı məlumatlar var ki, Çin Rusiyaya xəbərdarlıq edib və açıq şəkildə bildirib: “Bunu etmə!”» – deyə Blinken vurğulayıb.
Bu sensasion bəyanat, xüsusilə də, böyük dövlətlər arasında balansın nə qədər kövrək olduğunu bir daha göstərir. Çin, görünür, bu dəfə öz təsirindən istifadə edərək, nüvə silahı kimi dağıdıcı bir addımın qarşısını almağa müvəffəq olub.
Dünyanın taleyi bir qərardan asılı idi. Hadisələr necə inkişaf edəcək? Təhlükə tamamilə sovuşubmu?