ABŞ-da fəaliyyət göstərən bir texnologiya şirkəti, elektrik avtomobilləri üçün ultra-sürətli enerji doldurma qabiliyyətinə malik akkumulyator texnologiyası hazırlayıb. Sahibkartv.az xəbər verir ki, Bu yeni texnologiya, avtomobillərin 10 dəqiqədən az müddətdə tam enerji ilə təmin olunmasına imkan verir. Şirkət iddia edir ki, bu yenilik, həm gündəlik istifadə üçün elektrik avtomobillərinin əlverişliliyini artıracaq, həm də uzun məsafəli səfərlər zamanı narahatlıq yaradan enerji çatışmazlığı problemini aradan qaldıracaq. Əlavə olaraq, bu akkumulyatorlar adi litium-ion batareyalardan iki dəfə daha uzunömürlüdür. Şirkət bu texnologiyanı geniş istehsal üçün yaxın üç ildə bazara təqdim etməyi planlaşdırır. Hökumət bu layihəyə əlavə maliyyə dəstəyi ayıraraq onun enerji transformasiyasında mühüm rol oynayacağını vurğulayıb.